Takim me drejtorët e shkollave në Dragash para fillimit të mësimit

Nënkryetari i Komunës së Dragashit, Vetim Ramadani, dhe drejtori i DKA-së, Zeni Krasniqi, kanë zhvilluar sot një takim me drejtorët e shkollave të Komunës së Dragashit, në prag të fillimit të vitit të ri shkollor.

Gjatë takimit është diskutuar për përgatitjet dhe masat e nevojshme për një fillim sa më të mbarë të procesit mësimor.

Në takim është theksuar gjithashtu rëndësia e bashkëpunimit dhe koordinimit të vazhdueshëm ndërmjet Komunës, DKA-së dhe institucioneve arsimore, me qëllim të krijimit të një ambienti të sigurt dhe cilësor për nxënësit dhe mbarë procesin edukativo-arsimor.

Viti i ri shkollor në Komunën e Dragashit fillon nesër, më 1 shtator 2026.