Federata Ndërkombëtare e Skitarisë (FIS) në bashkëpunim me Federatën Skitare të Kosovës organizuan edicionin e dytë të garës së skijimit “Dardania Cup”
Sot, më datë 07.03.2021, në Qendrën Turistike Arxhena ne Brod, me pjesëmarrje të shumë sportistëve dhe dashamirëve të sportit u zhvillua edicioni i dytë i garës ndërkombëtare të skijimit “Dardania Cup”, e cila organizohet nga Federata Skitare e Kosovës në nivel të FIS.
Në fjalën përshëndetëse të tij, Kryetari Shabani vlerësoi angazhimin e lartë të Federatës Skitare të Kosovës në organizimin e kësaj gare. Gjithashtu, ai falënderoi federatat skitare të shteteve pjesëmarrëse si: Turqinë, Shqipërinë, Hungarinë, Maqedoninë Veriore, Sllovakinë ku iu uroi sukses të gjithë garuesve pjesëmarrës. E gjithë gara u mbikqyr nga delegati teknik i FIS, slloveni Dusan Gorisek.
Në shenjë respekti, Kryetari ndau mirënjohje për Kryetarin e Federatës së Skitarisë, z. Milaim Kelmendi për kontributin e dhënë në avansimin e sportit të skitarisë dhe promovimin e vlerave tona turistike që njëherit janë prioriteti kryesor për zhvillimin ekonomik të komunës tonë.