Mbrëmjen e së premtes kryetari i Komunës së Dragashit, z.Bexhet Xheladini, së bashku me drejtoreshën e Kulturës, Rinisë dhe Sportit, znj.Liridona Misinaj, morën pjesë në një darkë pune të organizuar nga Lidhja Rajonale e Futbollit në Prizren. Ata u pritën nga kryetari i LRF-së në Prizren, Mirsad Çollaku dhe Nënkryetari Labinot Ibrahimi.
Qëllimi i takimit ishte njohja nga afër e drejtuesve të komunave të Regjionit të Prizrenit (Prizren, Suharekë, Malishevë, Dragash dhe Mamushë) me udhëheqësinë e LRF – së, për të diskutuar në lidhje me temat kryesore të futbollit në regjionin tonë, masivizimin dhe avancimin e tij, krijimin e kushteve të mira infrastrukturore për të rinjtë dhe klubet.
Federata e Futbollit e Kosovës është e gatshme të bashkëfinancojë me komunat ndërtimin e stadiumeve të futbollit në vlerën 50/50 përqind.
Krerët e komunave të Regjionit të Prizrenit treguan konstruktivitet dhe gatishmëri për bashkëpunim, për ta çuar futbollin përpara.