QMF Bresanë hap dyert çdo të shtunë për qytetarët dhe mërgatën

QKMF “Adem Berisha” – Dragash bënë me dije se në periudhën nga 25 korriku deri më 22 gusht 2026, në QMF Bresanë do të ofrohen shërbime shëndetësore çdo të shtunë, nga ora 09:00 deri në 15:00. Gjatë këtij orari, qytetarët do të kenë mundësi të marrin vizita mjekësore dhe shërbime infermierore, duke përfshirë kontrolle bazike, matjen e tensionit, trajtime të nevojshme dhe konsultime për gjendjen shëndetësore.

Ky organizim është menduar për të lehtësuar qasjen në kujdesin shëndetësor, sidomos gjatë sezonit veror kur prania e bashkatdhetarëve rritet dhe nevojat për shërbime mjekësore shtohen. Qëllimi kryesor është që askush të mos mbetet pa kujdesin e nevojshëm, duke ofruar një mbështetje të vazhdueshme për komunitetin lokal dhe mërgatën që kthehet në vendlindje.

Autoritetet lokale ftojnë të gjithë qytetarët të shfrytëzojnë këto shërbime, duke u kujdesur për shëndetin e tyre dhe të familjeve. Për çdo informacion shtesë, qytetarët mund të drejtohen pranë QMF Bresanë gjatë orarit të punës.

©TVOPOJA