Nga auditimi te emërtimi i rrugëve – Kuvendi i Dragashit diskuton tema kyçe këtë javë

Me vendim të kryesueses së Kuvendit Komunal të Dragashit, znj. Arjeta Skeraj, është caktuar mbajtja e mbledhjes së shtatë të rregullt për vitin 2025. Seanca do të mbahet më 29 korrik 2025, duke filluar nga ora 10:00, në sallën e Kuvendit Komunal të Dragashit.

Në rend dite janë përfshirë këto pika kyçe:

• Miratimi i procesverbalit nga mbledhja e kaluar,

• Raporti i Auditorit të Jashtëm,

• Plani i Veprimit të Auditorit të Jashtëm,

• Raporti financiar i shpenzimeve për periudhën janar – qershor 2025,

• Informata lidhur me punën e KKSB-së për periudhën janar – qershor 2025,

• Rishqyrtimi i vendimit për miratimin e listës rezervë për emërtimin e rrugëve, shesheve në territorin e Komunës së Dragashit,

• Shqyrtimi i kërkesës së z. Burim Piraj, për ndërrimin e destinimit të tokës,

• Çështje të ndryshme (Të ndryshme / Eventuale).

Televizioni Opoja do të raportojë për zhvillimet e kësaj seance dhe vendimet që do të merren nga përfaqësuesit e zgjedhur të qytetarëve.