Qeveria Komunale mbajti Mbledhjen e VI (të rregullt) për vitin 2025

1. Vlerësimi financiar i Kontratës Kolektive për vitin 2025;

2. Caktimi i detyrave për përgatitjen e projekteve kapitale për vitin 2025; dhe

3. Eventuale.

Në pikën e parë të rendit të ditës, bazuar në Kërkesën e Asociacionit të Komunave dhe rëndësinë e implikimit financiar të Kontratës Kolektive në Buxhetin e Komunës, u mor vendim që të krijohen Grupi Punues i cili, deri në fund të këtij muaji, do ta bëjë vlerësimin financiar dhe të implikimeve buxhetore që mund të ketë Kontrata Kolektive për vitin fiskal 2025.

Në pikën e dytë u shqyrtua Lista e investimeve kapitale për vitin 2025, si dhe u caktuan detyrat dhe përgjegjësitë për zyrtarët që do të merren me përgatitjen projekteve kapitale.

Ndërkaq, në pikën eventuale u diskutuan çështje që kanë të bëjnë me procedura të brendshme teknike dhe administrative.