Unë nuk po i kuptoj rinin ton pse po dalin jasht kur ka mundesi edhe ktu me punu
Nisma Socialdemokrate ka mbajtur Kuvendin e dytë Zgjedhor të Rinisë. I pari i Nismës Socialdemokrate, Fatmir Limaj, ka thënë se partia është forcuar e konsoliduar dhe si e tillë do të qeverisë vendin.
“Jemi ardhur në këtë Kuvend shumë më të organizuar e më të fuqishëm se kuvendin e kaluar. Sot jemi edhe si parti edhe si rini të konsoliduar dhe të fuqishëm dhe më shumë përvojë politike. Ishin të rinjtë e Nismës së bashku me të rinjtë tjerë që u aktivizuan në protesta për të ndalur të këqijat qe po i vinin Kosovës”.
“Duke ju falënderuar angazhimit të përbashkët ne arritëm me i ndal marrëveshjet e këqija të Kosovës. Jam i bindur që këtu ka djem e vajza që nesër do të jenë drejtues të shtetit.
Ai ka porositur të rinjtë që të angazhohen për të ardhmen e vendit dhe të mos e braktisin atë.
“Ne jemi në një vend të pavarur dhe të konsoliduar dhe po presim që ju t’i merrni përgjegjësit e juaja. Ju sot nuk duhet të jeni të kënaqur me nivelin e shtetit tuaj. Ju nuk duhet të ja ktheni shpinën vendit sepse ju e tradhtoni idealin e shtetit nëse e bëni këtë gjë. Mos ja ktheni shpinën Kosovës”, ka qenë porosia e tij.