Biznesmeni i njohur Opojarë Burim Piraj shpeshherë bën reagim nëpër rrjetet sociale për gjendjen në Kosovë.
Ai së fundi në llogarinë e tij kishte thënë se politika edhe sot e kësaj dite po qëndron si një biznes që përmes të cilit mund të arrin lehtë deri të kapitali.
Sipas Piraj politika që nga kohërat e lashta është biznesi më i fuqishëm ku ju ka mundësuar njerëzve të caktuar të krijojnë kapital në mënyra shumë të lehtë.
Piraj thotë se është për keqardhje që politika si biznes jetën e njeriut e llogaritë në numera e që nuk kursen derisa të arrin qëllimin e vetë.
Po ju përcjellim shkrimin e Burim Piraj në Facebook:
Që nga kohërat e lashta biznesi më i fuqishëm që ua ka mundësuar njerëzve të caktuar në mënyrë shumë të lehtë të vijnë deri te kapitali ka qenë dhe po vazhdon të mbetet POLITIKA!
Pjellë e këtij biznesi janë të gjithë luftërat!
Është për keqardhje që politika si biznes jetën e njeriut e llogarit si numër dhe nuk e kursen derisa të arrin qëllimin e vetë.
I gjithë biznesi i ndershëm është detyrimisht i sunduar nga politika dhe punon nën diktat të politikës dhe për politikën.
Çka të them më shumë, ju që i shtjelloni gjërat dhe keni aftësi për analizë kritike pjesën tjetër e dini.