
Në fshatin Blaç janë vendosur kabllot elektrike nëntokësore të tensionit të lartë, duke përmirësuar infrastrukturën energjetike në këtë lokalitet.
Sipas njoftimit të publikuar nga ky fshat, shtrirja e kabllove nëntokësore është realizuar duke filluar nga rruga kryesore e fshatit, në anën e majtë rreth rrugës, në drejtim të trafos që ndodhet afër Xhamisë.
Në njoftim vlerësohet lart puna profesionale e kompanisë që ka kryer këto punime, e cila pas përfundimit të ndërhyrjes e ka kthyer rrugën në gjendjen e saj fillestare dhe e ka pastruar atë tërësisht. Banorët kanë shprehur mirënjohje dhe falënderim për korrektësinë dhe punën e rregullt të kryer në teren.
©TVOPOJA