Komuna e Dragashit publikon agjendën e aktiviteteve për Ditën e Çlirimit

Komuna e Dragashit ka bërë publike agjendën e aktiviteteve që do të zhvillohen me rastin e 12 Qershorit – Ditës së Çlirimit të Komunës së Dragashit. Programi përfshin aktivitete solemne, kulturore dhe sportive, të cilat do të shënojnë këtë ditë të rëndësishme për qytetarët e komunës.

Agjenda e aktiviteteve

E Premte, 12 Qershor

• Ceremonia e nderimit të pensionistëve (administrata, arsimi dhe shëndetësia) – Ora 09:00, Salla e Kuvendit Komunal
• Seancë solemne – Ora 10:00, Salla e Kuvendit Komunal
• Vizitë tek shtatorja e Komandantit Legjendar Adem Jashari dhe në varrezat e dëshmorëve në Dragash dhe Buqe – Ora 10:30
• Koncert festiv – Ora 11:30, Sheshi i qytetit të Dragashit (ose në Shtëpinë e Kulturës “Abdurrahman Gerdellaj”, varësisht nga kushtet atmosferike)

E Shtunë, 13 Qershor

• Gara e vrapimit të kuajve dhe gara e pehlivanëve – Ora 12:00, Mejdan i Opojës

E Diel, 21 Qershor

• Meetingu i motocross-it – Parkingu i qytetit në Dragash

E Diel, 28 Qershor

• Gara e çiklizmit

Komuna e Dragashit fton qytetarët që të marrin pjesë në këto aktivitete, të cilat synojnë të nderojnë ditën e çlirimit dhe të promovojnë kulturën, sportin dhe bashkëjetesën në komunitet.

©TVOPOJA