Lëvizja VETËVENDOSJE! Shpreh Mirënjohje për Banorët e Sharrit

Shefi i grupit të asamblistëve të Lëvizjes VETËVENDOSJE! dhe njëherit kandidati për deputet, doktor Jetmir Ajdini, shpreh mirënjohjen më të thellë ndaj të gjithë qytetarëve të Sharrit për mbështetjen e madhe dhe besimin e dhënë në zgjedhjet e 9 shkurtit.

Fitorja e Lëvizjes VETËVENDOSJE! si forca e parë politike është dëshmi e qartë se populli zgjedh ndryshimin, zgjedh vizionin dhe angazhimin e palëkundur për drejtësi, barazi dhe zhvillim. Ky sukses është i juaji, i të gjithë atyre që nuk u lodhën duke punuar, duke besuar dhe duke qëndruar të palëkundur për një të ardhme më të mirë.

Faleminderit Sharr, faleminderit për mbështetjen, për votën dhe për besimin tuaj! Rrugëtimi vazhdon me më shumë përkushtim, sepse bashkë, po ndërtojmë të ardhmen që meritojmë!