LDK e Dragashit Falënderon Votuesit dhe Angazhohet për Një të Ardhme Më të Fortë

Dega e LDK-së në Dragash falënderon të gjithë votuesit, aktivistët dhe strukturat për kontributin e tyre të jashtëzakonshëm në këto zgjedhje.

Gjithashtu, falënderojmë të gjithë qytetarët për kulturën e lartë demokratike që kanë treguar gjatë fushatës elektorale njëmujore dhe në ditën e votimit.

Urime për fitoren e LDK-së në nëndegët e fshatrave Zaplluxhe, Blaç, Kosavë, Brrut dhe Xërxe.

Qytetarët e Kosovës në këto zgjedhje, përmes votës së tyre na dhanë një rritje, edhe pse ishte e pamjaftueshme për të bërë ndryshime, kjo do të na japë mundësi, qetësi dhe vullnet për të vazhduar tutje për një organizim më të mirë të brendshëm partiak.

LDK e Komunës sonë do të mbetet e përkushtuar që angazhimin e saj politik ta vazhdojë në ndërtimin e një shoqërie demokratike dhe të zhvilluar ekonomikisht, duke dhënë kontributin e vet në të gjitha proceset politike me rëndësi për komunën tonë.

Të dashur qytetarë, anëtarë dhe simpatizantë të LDK-së, ne do të vazhdojmë të punojmë pa u lodhur për përgatitjen dhe forcimin e LDK-së, me qëllim që të përballemi sa më fortë dhe të jemi më të përgatitur për çdo sfidë që na pret në të ardhmen.

Me respekt,

Dega e LDK-së në Dragash

Bexhet Xheladini