Komuna e Dragashit bën të ditur vendin për ndërtimin e stadiumit

Komuna e Dragashit, ka bërë të ditur vendin se ku pritet të ndërtohet stadiumi i ri i qytetit, raporton TV Opoja.

Vendi ku pritet të ndertohet stadiumi i ri, është caktuar në fshatin Blaç.

Kështu është bërë i ditur në thirrjen për mbajtjen e mbledhjes së ardhëshme të Kuvendit Komunal të Dragashit.

Në njërën prej pikave të rëndit të ditës thuhet:

• Propozim vendim për lejimin e ndërtimit të Stadiumit në fsh. Blaç.

Në këtë stadium pritet ti zhvolloj ndeshjet si vendas, Klubi Futbollistik Opoja, pasi që një kohë të gjatë detyrohet ti zhvilloj edhe ndeshjet vendase si myaafire pasi që stadiumi i qytetit të Dragashit nuk i plotëson kushtet për tu zhvilluar një ndeshje futbolli.

Gjatë fushatës parazgjedhore të vitit 2021, gjatë muajve Tetor e Nëntor, kryetari i tanishëm i Dragashit, Bexhet Xheladini, ka premtuar investime në stadiumin e qytetit dhe përkrahje financiare për klubin KF.Opoja.

Për këtë premtim të Xheladinit pati reagime edhe nga tifogrupi “Ujqit e Sharrit”, ku u ndjen të tradhëtuar nga kryetari, pasi që nuk kishte marr asnjë hap në këtë drejtim.

Më pastaj Komuna e Dragashit doli me një reagim, ku ndër të tjera tha se stadiumi aktual nuk i plotëson kushtet për ndeshje futbolli, dhe stadiumi i ri do të ndërtohet në një vend tjetër.

Ndërsa tani si duket Komuna e Dragashit e ka gjetur vendin për ndërtimin e stadiumit të ri, dhe vendimi për lejimin e ndërtimit do të merret në mbledhjen e radhës të Kuvendkt Komunal, e cila do të mbahet me 28 qershor, duke filluar në ora 10:00./opoja.tv