Kryetari i Lidhjes Demokratike të Kosovës, Lumir Abdixhiku, ka pretenduar se partia që ai drejton ka fituar tetë komuna në zgjedhjet komunale të këtij viti. Ai thotë se do të jenë fitues edhe në Dragash, pas numërimit të votave nga diaspora.

Sipas rezultateve preliminare, LDK-ja ka fituar në shtatë komuna. Në Dragash udhëheq kandidati i PDK-së, Shaban Shabani me 5.648 vota apo 50.21 për qind, vetëm 47 vota më shumë se kandidati i LDK-së, Bexhet Xheladini, që ka 5.601 vota apo 49.79 për qind.