Dy Ministrat e Jashtëm shqiptarë, Meliza Haradinaj-Stbulla dhe Gent Cakaj i janë kundërpërgjigjur fuqishëm ministrit të Mbrojtjes të Serbisë, Aleksandar Vulin.
Vulin ka komentuar deklaratën e kryeministrit të Shqipërisë, Edi Ramës i cili në mbledhjen e sotme të dy qeverive ka thënë se porti i Durrësit do të jetë de facto i Kosovës, kështu Vulin tha se kjo është përpjekje për të krijuar Shqipërinë e Madhe, shkruan Indeksonline.
I menjëhershëm ishte reagimi i ministës së Punëve të Jashtme të Kosovës, Meliza Haradinaj-Stublla dhe homologut të saj të Shqipërisë, Gent Cakajt.
Ata u fotografuan së bashku, teksa shihen të afërt, ndërsa Haradinaj-Stublla e ndau në Twitter, dhe mbi fotografi shkruajti “Shqiptarë”.