Reagon Kryetari: Dragashi Pa Ndihmë dhe Pa Përgjigje nga Qeveria

Pas vërshimeve të mëdha në Dragash një vit më parë, Kryeministri Kurti vizitoi vendet e prekura nga vërshimet, më pas, ai reagoi në rrjetet sociale duke përshkruar situatën dhe angazhimin e qeverisë për të ndihmuar në riparimin dhe rindërtimin e dëmeve.

Ishim në Komunën e Dragashit dhe fshatin Kuk. Vërshimet e djeshme nga reshjet e mëdha të shiut kanë shkaktuar dëme të konsiderueshme edhe të infrastrukturës publike, për çka nevojitet ndërhyrje me prioritet. Megjithëkëtë, fatmirësisht nuk ka as të lënduar e as viktima. Me Komisionin vlerësues i cili po inspekton e analizon masën e dëmeve, po shohim se çfarë mund të riparojmë e rindërtojmë dhe të kontribuojmë nga niveli qendror. Falënderoj institucionet e shtetit për angazhimin e deritanishëm dhe Kryetarin e Komunës së Dragashit, Bexhet Xheladinin për mikpritjen e tij sot dhe bashkëpunimin me ministrin Elbert Krasniqi. Qeveria është pranë komunës dhe qytetarëve, për të kaluar bashkë, sa më shpejt e sa më lehtë këtë situatë.

Pikërisht ishte ky postim që është shpërndarë nga kryetari i komunës z. Xheladini pas nëntë muajsh, kështu duke shprehur zhgënjimin e tij për mungesën e mbështetjes nga qeveria qendrore. Ai theksoi se komuna ka bërë gjithçka të mundur për të vlerësuar dëmet dhe për të kërkuar ndihmë. Ai ka bërë thirrje për veprime të menjëhershme nga Qeveria e Kosovës për të mbuluar dëmet e shkaktuara nga vërshimet dhe për të ndihmuar qytetarët e prekur.

Postimi i plotë i kryetarit:

Ky është postimi i Kryeministrit Kurti një ditë pas vërshimeve në Dragash: “Deri sot, asnjë ndihmë dhe asnjë përgjigje. Si qeveri lokale, me kohë kemi realizuar vlerësimin financiar të dëmeve dhe jemi të përkushtuar të vazhdojmë kërkesat për mbulimin e këtyre dëmeve nga Qeveria e Kosovës.”

©TVOPOJA