Reagime të ashpra kundër ndërtimit të fabrikës së xeheve në Shajne

Mbledhja e tretë e Kuvendit Komunal, e cila pritet të mbahet më 8 prill, ka tërhequr vëmendje të madhe për shkak të një pike të rendit të ditës që lidhet me shqyrtimin e kërkesës për dhënien në shfrytëzim afatgjatë të tokës për ndërtimin e një fabrike për shkrirjen e xeheve në zonën industriale të fshatit Shajne.

Reagime të forta kundër këtij propozimi kanë ardhur nga banorët e fshatit Shajne, të cilët përmes një deklarate në faqen zyrtare të fshatit në Facebook e kanë cilësuar projektin si kërcënim serioz për shëndetin dhe mjedisin e zonës. Banorët kanë paralajmëruar se tymrat toksikë dhe ndotja e ujërave nga fabrika mund të shkatërrojnë jetesën, bujqësinë dhe turizmin në Shajne dhe rrethinë.

Në postimin e tyre, banorët janë zotuar se do ta kundërshtojnë këtë projekt me të gjitha mjetet e mundshme, ligjore dhe jashtëligjore, nëse nuk tërhiqet. Ata i kanë bërë thirrje qytetarëve, shoqërisë civile dhe këshilltarëve komunalë që të ndalojnë këtë projekt përpara se të jetë vonë.

Ky debat pritet të jetë pika qendrore e mbledhjes së ardhshme, ndërsa komuniteti i Shajnes mbetet i bashkuar kundër realizimit të këtij projekti.

Ky është artikulli i plotë në faqën e fshatit:

©TVOPOJA