Ftesë për gra dhe vajza, kurse në rrobaqepësi

OJQ AVOKO fton të gjitha gratë dhe vajzat e Komunës së Dragashit që dëshirojnë të zhvillojnë aftësitë e tyre profesionale të marrin pjesë në kurset e rrobaqepësisë. Këto kurse janë menduar si një mundësi e vlefshme për fuqizimin e grave dhe vajzave, duke i pajisur me njohuri praktike dhe profesionale që hapin dyert drejt punësimit dhe pavarësisë ekonomike.

Çfarë ofrojnë kurset:
• Trajnim praktik dhe profesional në rrobaqepësi, me fokus në teknikat moderne dhe tradicionale.
• Zhvillim të shkathtësive për tregun e punës, duke i përgatitur pjesëmarrëset për të qenë konkurruese në sektorin e tekstilit dhe modës.
• Mundësi reale punësimi pas përfundimit të kursit, përmes lidhjes me biznese lokale dhe projekte të reja që mbështesin gratë dhe vajzat.
• Një ambient bashkëpunues ku pjesëmarrëset mund të ndajnë përvojat e tyre, të krijojnë rrjete sociale dhe profesionale, si dhe të fuqizohen përmes solidaritetit.

Të interesuarat për regjistrim mund të lajmërohen në numrin: 044 244 948
Ky projekt synon jo vetëm të ofrojë aftësi praktike, por edhe të krijojë një rrugë të re për integrimin e grave dhe vajzave në jetën ekonomike e shoqërore të Dragashit.

©TVOPOJA