Caktohet mbledhja e parë e rregullt e Kuvendit të Komunës së Dragashit

Më 22 dhjetor 2025, në orën 10:00, do të mbahet mbledhja e parë e rregullt e Kuvendit të Komunës së Dragashit. Seanca u ftua sipas procedurave ligjore, në fazën fillestare do të udhëhiqet nga asambleisti më i vjetër, Usmen Baldži.

Në rendin e ditës janë paraparë pika të rëndësishme për funksionimin e Kuvendit, si:

1. Zgjedhja e Kryesuesit të Kuvendit të Komunës
Një nga pikat më të rëndësishme, pasi kryesuesi do të udhëheqë mbledhjet e Kuvendit gjatë gjithë mandatit. Ai ka rol në koordinimin e punës së asambleistëve, në respektimin e procedurave ligjore dhe në përfaqësimin e Kuvendit para institucioneve të tjera.

2. Themelimi i Komitetit për Politikë dhe Financa
Ky komitet është organi kryesor këshillues për çështjet buxhetore dhe financiare të komunës. Ai shqyrton projekt-buxhetin, raportet financiare dhe politikat zhvillimore, duke dhënë rekomandime për vendimmarrje të qëndrueshme.

3. Themelimi i Komitetit për Komunitete
Një strukturë e domosdoshme për të garantuar përfaqësimin e komuniteteve jo-shumicë në Dragash. Ky komitet trajton çështje të barazisë, integrimit dhe mbrojtjes së të drejtave të komuniteteve, duke siguruar që zëri i tyre të dëgjohet në Kuvend.

4. Zgjedhja e Nënkryetarit për Komunitete
Një funksion i veçantë që ka për detyrë të përfaqësojë interesat e komuniteteve jo-shumicë në nivel ekzekutiv të komunës. Nënkryetari për komunitete është ura lidhëse mes komuniteteve dhe administratës komunale.

5. Propozimi për vendim lidhur me shpalljen e listës së përgjithshme dhe asaj të veçantë të pronës së paluajtshme të Komunës
6. Pika eventuale

Ky rend dite jo vetëm që shënon fillimin e punës institucionale, por edhe vendos bazat për funksionimin e Kuvendit të Komunës së Dragashit në mandatin e ri.

©TVOPOJA