Drejtoria e Arsimit në një njoftim të dërguar në redaksinë e TV Opoja tregoi se sot është bërë tërheqja publike të shortit për renditjen e mbajtjes së Provimit të Maturës Shtetërore.
Sipas shortit, në komunën e Dragashit pjesa e parë e Testit të Maturës do të mbahet më 14.06.2019, ndersa sipas tërheqjes së shortit pjesa e dytë e Testit të Maturës do të jetë më 21.06.2019.
Drejtoria e Arsimit në Dragash ka filluar përgatitjet, në mënyrë që testi të zhvillohet sipas procedurave të parapara. Shpresojmë që edhe këtë vit të kemi një mbarëvajtje të testit, pasi që viti i kaluar tregoi se kemi pasur një formë më të mirë të mbajtjes dhe vëzhgimit së testit, duke arritur që të kemi rezultate reale.
©TVOPOJA