Sot, kryetari i Komunës së Dragashit Shaban Shabani së bashku me Drejtorin e Shëndetësisë dhe Mirëqenies Sociale, Behar Brenoli dhe Drejtorin e Bujqësisë dhe Inspeksionit Fejsal Halilovic vizituan Qendrën e Mjekësisë Familjare në Krushevë me rastin e situatës së sapokrijuar dhe rastin e ri të virusit në komunën tonë.
Në ndërkohë, objekti është dezinfektuar plotësisht, dhe që nga nesër, Qendra do të sigurojë shërbime për qytetarët. Me këtë rast, ju bëjmë thirrje qytetarëve që të respektojnë rekomandimet e institucioneve, të mbajnë maska dhe të ruajnë distancën dhe higjenën. Vetëm duke punuar së bashku mund ta kapërcejmë këtë situatë.
Le të jemi përgjegjës për veten dhe të dashurit tanë!
