Duke ditur pozitën gjeografike të komunës së Dragashit, rrezë maleve të sharrit e koretnikut, dimëri shpesh din të na tregoj dhëmbët duke shkaktuar telashe të medha tek banorët.
Mbremjen e djeshme filluan reshjet e borës te cilat u pasuan me erëra, që vazhduan deri natën vonë, orët e para të ditës së sotme banorët e komunës së Dragashit i gjetën nën petkun e bardhë.
Pasi që pjesa më e madhe e banorëve të kesaj komune janë të punsuar në komunat tjera, por edhe në qendren komunale në Dragash, kjo i detyron ata të udhetojn çdo mëngjes drejt vendit ku punojn. E njejta vlen edhe për nxënësit e shkollave të mesme e universiteteve.
Shpesh ka ndodhur që nga rreshjet e tilla të bllokohen fshatrat, të bllokohet transporti gjë që ndikonte tek puntoret, nxënësit e të gjithë banorët e komunës sonë.
Edhe përkunder reshjeve të dendura dhe erërave të cilat po i mbulonin rrugët shpejt Drejtoria për Shërbime Publike dhe Inspektoriati, mëngjesin e sotëm ka bërë të ditur se të gjitha rrugët në komunën e Dragashit janë të kalueshme.
Operatorët e kontraktuar nga komuna gjat gjith ditës jan në teren dhe po e pastrojnë rrugën edhe në këto momente kur reshjet e borës po vazhdojn.
Në këto momente nga Inspektorati komunal në Dragash për redaksinë e Televizionit Opoja theksojnë se të gjitha rrugët kryesore janë të kalueshme, dhe se po punohët edhe në të gjitha rrugët dytësore nëpër fshatra.
Ata thonë se kompania e cila është e kontraktuar nga komuna është duke hapur rrugët nëpër të gjitha lagjet e fshatrave me mjete më të lehta ( traktorë ).
Vlen të permendet se në shumë fshatra banorët jan aktivizuar për hapjen e rrugëve ashtu siç ka raportuar gjat gjith ditës TV Opoja.