Alon Ben-Meir, një studiues në Qendrën për Çështje Globale të Universitetit të Nju Jorkut, i ka dalë në mbrojtje Kosovës për formimin e ushtrisë.
Ai ka rikujtuar se Kosova e ka shpallur pavarësinë e saj në vitin 2018, duke shprehur përkrahjen e tij që Forca e Sigurisë së Kosovës, të shndërrohet në ushtri kombëtare.
Profesori Ben-Meir i ka bërë thirrje Shteteve të Bashkuara dhe Bashkimit Evropian, që të mbështesin Kosovën në këtë hap, për të frenuar ndikimin rus dhe turk në Ballkan, përcjell Bota sot.
“Kosova e cila shpalli pavarësinë në vitin 2008, pritet të votojë për të transformuar Forcën e saj të Sigurisë (FSK), në një ushtri kombëtare. SHBA dhe BE duhet të mbështesin masën për të forcuar aleancën e saj në Ballkan për të frenuar ndikimin e Putinit dhe Erdoganit”, ka thënë Alon Ben-Meir.
Kosova deri më tani ka marrë mbështetje të madhe nga SHBA-të për formimin e ushtrisë, të cilat transformimin e FSK-së e shohin si hap pozitiv dhe të natyrshëm.
Kryeministri i Kosovës Ramush Haradinaj ka paralajmëruar se ushtria e Kosovës do të formohet më 14 dhjetor, përkundër paralajmërimeve të NATO-s se tani nuk është koha e duhur për të bërë këtë hap.
