Kryetari i komunës z. Bexhet Xheladini, njofton qytetarët se pas kërkesës së tij drejtuar deputetit Arben Gashi, në Kuvendin e Republikës së Kosovës janë propozuar tre amendamente në ligjin për buxhet.
TË NDERUAR QYTETAR
ME KËRKESËN TIME,ARBEN GASHI DEPUTET I PARLAMANTIT TË KOSOVËS,KA PROPOZUAR TRI AMANDAMENTE NË LIGJIN PËR BUXHET
1.RRUGA PËRGJAT LUMIT PLLAVA
2.UJËSJELLËSI DHE FABRIKA E PËRPUNIMIT TË UJIT
3.RINDERTIMI I STADIUMIT TË QYTETIT
Amendamenti 40 – deputeti, Arben Gashi – Pa përkrahjen e Komisionit Funksional
Kërkoj nga Komisioni për Buxhet Punë dhe Transfere të aprovoj kërkesën për futjen në planifikimin buxhetor të vitit 2023 për projektet kapitale: Ndërtimin e rrugës përgjatë lumit Plava e cila lidh Komunën e Dragashit me Kukësin- Republika e Shqipërisë, me vlerë 1.000,000.00 euro.
Mjetet për këtë projekt merren nga projekti me kod 28900, tabela 3.1, nën-programi Kontigjencat në Ministrinë e Financave, Shpenzimet kapitale 2023 dhe të barten tek Ministria e Mjedisit, Planifikimit Hapësinor dhe Infrastrukturës, Ndërtimet e Reja të Rrugëve, me kod 42100.
Amendamenti 41 – deputeti, Arben Gashi – Pa përkrahjen e Komisionit Funksional
Kërkoj nga Komisioni për buxhet, punë dhe transfera të mundësoj futjen në planifikimin buxhetor të vitit 2023-2024 për projektet kapitale:
Financimin e rrjetit të Ujësjellësit dhe fabrikës së ujit për komunën e Dragashit, në vlerë prej 2 milion euro (2,000,000.00). 1 milion për vitin 2023, 1 milion për vitin 2024.
Mjetet për këtë projekt merren nga projekti me kod 28900, tabela 3.1, nën-programi Kontigjencat në Ministrinë e Financave, Shpenzimet kapitale 2023-2024 dhe të barten tek Ministria e Mjedisit, Planifikimit Hapësinor dhe Infrastrukturës, nënprogrami Autoriteti Rajonal i Pellgjeve Lumore, me kod 60800, tabela 3.2.
Amendamenti 42 – deputeti, Arben Gashi – Pa përkrahjen e Komisionit Funksional
Kërkoj nga Komisioni për buxhet, punë dhe transfera të mundësoj futjen në planifikimin buxhetor të vitit 2023 për projektet kapitale:
Financimin e ndërtimit të stadiumit të qytetit dhe infrastrukturës përcjellëse në Dragash, në vlerë prej 150 mijë euro (150,000.00).
Mjetet për këtë projekt merren nga projekti me kod 28900, tabela 3.1, nën-programi Kontigjencat në Ministrinë e Financave, Shpenzimet kapitale për vitin 2023 dhe të barten tek Ministria Kulturës, Rinisë dhe Sportit, nënprogrami Arritjet sportive, me kod 80200, tabela 3.2.
©TVOPOJA