Lendrit Iljazi zyrtar i lartë ekzekutiv në stafin e u.d të Presidentes së Kosovës, Vjosa Osmani nepermjet një postimi në facebook ka reaguar ndaj portalit “Peskopi” njofton televizioni Opoja.
Ky reagim vjen pasi që portali në fjal ka publikuar një artikull ku sipas zyrtarit të lartë nuk ka baz elemetrare e juridike në atë artikull.
Lendriti në postimin e tij theksoi: “Përderisa nuk ka asnjë amendament kushtetues i cili miratohet në Kuvend dhe i cili i kufizon kompetencat e u.d. të Presidentit, atëherë u.d Presidentja vishet me të gjitha kompetencat kushtetuese të Presidentit në momentin që fillon ushtrimin e detyrës”.
Ky është postimi i plotë:
Ja si duket një artikull tendencioz, i pabazuar dhe që shpërfaqë mos-njohuri elementare të situatës faktike e juridike në vend. U.d. e Presidentes, znj. Vjosa Osmani, NUK ka shkelur Kushtetuën. Këto amendamente kushtetuese, të cilave u janë referuar portali në fjalë, asnjëherë nuk janë votuar e as nuk kanë hyrë në fuqi. Pra, kanë mbetur vetëm propozim-amendamente, pa u materializuar.
Përderisa nuk ka asnjë amendament kushtetues i cili miratohet në Kuvend dhe i cili i kufizon kompetencat e u.d. të Presidentit, atëherë u.d Presidentja vishet me të gjitha kompetencat kushtetuese të Presidentit në momentin që fillon ushtrimin e detyrës.
Të paktën mundohuni të mos e shpërfaqni paditurinë e thellë. Kaq.