Shkrimi në faqen “Komuna e Dragashit” është keqdashës dhe nuk paraqet informacion të saktë se në fshatin Bellobrad në komunën e Dragashit ka të infektuar sipas IKSHPK. Ky tekst është jo profesional, tendencioz dhe i pa bazuar me burime dhe informacione, duke përgënjeshtruar se në komunën e Dragashit konkretisht në fshatin Bellobrad paska të prekur me COVID-19.
Komuna e Dragashit, fton jo vetëm faqen e rrejshme “Komuna e Dragashit”, por secilin medium të marrin informacionet zyrtare dhe të sakta para se t’i plasojnë në opinionin publik.
Komuna ndjen për obligim të informojë të gjithë qytetarët dhe mjetet e informimit se të dhënat në shkrimin e faqes së rrejshme nuk paraqesin të vërtetën, sepse kryetari i komunës z. Shaban Shabani nuk e ka konfirmuar një lajm të tillë.
Autori i tekstit ka qenë tendencioz, ndaj edhe ka dhënë informacione të tilla të rrejshme në një kohë kur njerëzimi po përballet me këtë sfidë.
Sa për njoftim korrekt të opinionit, komuna e Dragashit nuk ka për momentin të prekur nga Covid-19.
Ne i garantojmë të gjithë qytetarët se raportimi i këtyre ngjarjeve do të jetë transparent dhe gjithmonë i verifikuar nga stafi shëndetësor lokal dhe IKSHPK.
