TV OPOJA
Ekonomi

Mediat ndërkombëtare: Kosova godet Serbinë me taksën prej 100%

Mediumi britanik BBC ka raportuar për taksën prej 100 për qind që ka vendosur Kosova ndaj importit të prodhimeve serbe dhe ato nga Bosnja e Hercegovina, duke e konsideruar si një goditje ndaj Serbisë.BBC shkrimin e ndërlidh me dështimin e Kosovës për t’u anëtarësuar në INTERPOL.

“Tensionet mes dy vendeve u rritën më 6 nëntor kur Kosova vendosi një tarifë prej 10 për qind ndaj Serbisë dhe Bosnjës e Hercegovinës. Kosova u ankua për një fushatë të ashpër të kryer nga Serbisë. Ata dështuan të anëtarësohen në INTERPOL edhe pse kishin shpenzuar për lobim 1.2 milionë euro”, shkruan BBC, përcjell Telegrafi.
BBC e citon në detaje vendimin e Qeverisë së Kosovës, për të larguar nga shitja produktet që nuk i referohen Kosovës si shtet.

“Kosova goditi përsëri të mërkurën duke çuar tarifën në 100 për qind për Serbinë dhe Bosnjën e Hercegovinën. Autoritetet gjithashtu vendosën që të heqin nga raftet produktet që nuk i referohen Kosovës si Republikë”, vijon artikulli.
Gjithashtu edhe mediat e huaja amerikane, britanike, franceze dhe të tjera kanë shkruar për këtë vendim të Qeverisë së Kosovës
Edhe mediumi Reuters, thotë se nga vendimi i Qeverisë së Kosovës u kërkua gjithashtu të ndalohet hyrja e ndonjë malli që nuk e ka adresuar Kosovën me emrin e saj kushtetues, Republika e Kosovës, të cilën Serbia dhe Bosnja e Hercegovina nuk e njohin.
Dy javë më parë Kosova kishte vënë një taksë 10 për qind të importit për mallrat që vijnë nga Serbia dhe Bosnja. Bashkimi Evropian i kishte bërë thirrje Kosovës që ta ndryshojë këtë vendim.

Lajme të përafërta

Punëtorë të KEK-ut me protestë kërkojnë t’u lejohet të tërheqin një pjesë të Trustit

TV OPOJA
October 3, 2020

Kompania nga Dragashi që “ambalazhon” shumë kompani vendore e nderkombëtare

TV OPOJA
April 9, 2020

Biznesmeni nga Dragashi kërkon ndryshim në afatin e pagimit të TVSH-së

TV OPOJA
March 13, 2020
Exit mobile version