Sot, me rastin e 23 prillit – Ditës Ndërkombëtare të Librit, një delegacion i Qendrës së Lëvizjes VETËVENDOSJE! në Sharr, i përbërë nga: nënkryetari i parë i Qendrës, Samidin Dauti, sekretari organizativ, Filiz Mustafa, asambleisti në kuvendin komunal, Laurat Krasniqi, si dhe anëtari i Këshillit të Qendrës, Sami Tërshnjaku, vizituan Bibliotekën e Qytetit “Ymridin Çengaj”, dhe pasuruan këtë bibliotekë duke dhuruar triologjinë e Avni Deharit; “Gjergjat në drita përkrenaresh”, përkatësisht romanet “Dragoi”, “Udhëkryqi” dhe “Flakadanët e lirisë”, kushtuar dy dëshmorëve të paqes në Kosovë, bijëve të tij e aktivistëve shembullor të Lëvizjes VETËVENDOSJE!, Arbënor e Astrit Deharit.
Të lexuarit është pasurim i mendjes, rrjedhimisht pasurimi më i mirë që mund të posedoj njeriu. I tillë si proces, asesi nuk bën të anashkalohet.
Duke iu uruar për këtë ditë dhe punë të mbarë, falemenderuam punojësit e këtij institucioni me vlerë të madhe për mikëpritjen e tyre.
Qendra e Lëvizjes VETËVENDOSJE! – Sharr,
23 prill, 2019
