Qendra e LV në Sharr, përmes një takimi ku i pranishëm ishte edhe deputeti Artan Abrashi, ka bërë thirrje tek qytetarët e Dragashit dhe anëtarët e VV në këtë zonë që të bëhen pjesë e procesit të brendshëm zgjedhor, sepse siç thonë ata “Lëvizja është e hapur për të gjithë, sepse Lëvizja është e popullit e për popullin”.
Kështu ka shkruajtur kryetari aktual i Qendrës, z. Ibrahim Ajupi.
Nga një takim frytdhënës në Qendrën e Lëvizjes në Sharr, bashkë me deputetin Artan A. Abrashi, u bëjmë thirrje të gjithë qytetarëve të Sharrit dhe anëtarësisë së Lëvizjes në Sharr, të bëhen pjesë e procesit zgjedhor të brendshëm. Lëvizja është e hapur për të gjithë sepse Lëvizja është e popullit e për popullin. Jo rastësisht populli është bërë Lëvizje e Lëvizja është populli.
Me VETËVENDOSJE-n! deri në VETËVENDOSJE!