TV OPOJA
Aktualitet

Komuna e Dragashit, kurrsesi t’i mbledh borxhet ku shuma kalon vlerën e 2 milionë eurove

Borxhet e qytetarëve ndaj Komunës së Dragashit deri vitin 2020, arritën në 2,029,219 euro. Borxhi kryesisht i përket tatimit në pronë, taksës komunale në biznese dhe shfrytëzimit të pronës komunale. Vetëm në vitin 2020, borxhi është rritë për 5 për qind apo mbi 101 mijë euro më tepër.

“Në vitin 2020 kemi një rritje prej 101,273€ apo 5% krahasuar me vitin paraprak (1,927,946€). Në këtë rritje ndikimi më i madh, ishte nga tatimi në pronë. Për të arkëtueshmet nga tatimi në pronë”, thuhet në të gjeturën e raportit.Auditorit gjithashtu vëren se komuna nuk ka një plan për inkasimin e borxheve dhe ato po rriten duke shkaktuar vështirësi në inkasim.Tutje bëhet e ditur se komuna kishte shpërndarë faturat e borxhlinjëve me borxhe mbi 300 euro, ndërsa kishin mbetur pa paguar se nuk kanë qenë në Kosovë.

Mungesa e mekanizmave dhe efikasitetit për inkasim të borxheve, Auditori thotë se mund të shkaktoj probleme në përmbushjen e shpenzimeve dhe vjetërsinë e borxhet duke zvogëluar gjasat për inkasim.Kreut të komunës, Auditori i rekomandoi të shqyrtoj të gjitha opsionet në rritjen e efikasitetet të mbledhjes së borxheve.“Kryetari duhet të siguroj që po shqyrtohen në mënyrë aktive të gjitha opsionet e mundshme, duke vendosur politika, rregullore dhe mekanizma tjerë me qëllim të rritjes së efikasitetit në mbledhjen e të arkëtueshmeve. Po ashtu, duhet shqyrtuar të gjitha masat në pajtim me ligjin, ndaj debitorëve të cilët nuk i përmbushin obligimet”, thuhet në rekomandimin e auditorit.Përmes letër konfirmimit drejtuar Zyrës Kombëtare të Auditimit (ZKA), kreu i Komunës së Dragashit, Shaban Shabani, konfirmoi se e ka pranuar raportin dhe është pajtuar me të gjeturat e tij pa ndonjë koment për përmbajtjen e raportit të auditimit për Pasqyrat Financiare Vjetore të vitit 2020 të Komunës së Dragashit.

Lajme të përafërta

Komuna e Dragashit ndan bursa për studentët të cilët studiojnë në universitetet publike (NJOFTIM)

TV OPOJA
October 12, 2023

Nga janari tatim për pronën bujqësore e pyjore (Njoftim)

TV OPOJA
November 17, 2018

LVV vazhdon të mbledh nënshkrime për peticionin në Sharr, sot me pikë edhe në Bresanë

TV OPOJA
June 3, 2020
Exit mobile version