Mbyllja e tjerrtores “Remateks” në Dragash i ka lënë pa punë mbi 250 punëtorë, duke e rritur kështu numrin e të papunëve në Dragash.
Ish-tjerrtorja “Drateks” është privatizuar në valën e 4-të të programit të privatizimit, me Spin off të rregullt.
Ndërsa në vitin 2008, disa ndërmarrës turq e kanë marrë objektin me qira nga blerësit e këtij objekti e ku njëri prej blerësve në atë kohë ka thënë për media se nuk kanë probleme me turqit, sa i përket pagesës së qirasë, dhe se me këtë kompania turke nuk e kanë prishur kontratën, e cila është valide edhe gjashtë vite në vazhdim.
Por me gjithë këtë entuziazëm të madh që kishin investitorët Turq nuk ju zgjati për shumë vite i tërë ky investim në fabrikën Remateks.
Në fillim drejtuesit e kompanisë kishin ndaluar prodhimin në kompani me arsyetimin se kishin qenë disa defekte në makineritë e fabrikës e ku këtë gënjeshtër të bordit drejtues e kishin hedhur poshtë puntorët e kompanisë në fjalë.
Mbas një kohë të gjatë puntorët e kompanisë në fjalë nuk kishin marrë për disa muaj edhe pagat për punën e bërë e ku kjo rezultoi me protesta dhe greva pranë objektit të fabrikës Remateks.
Por në atë kohë për hallet dhe problemet e punëtorëve bordi drejtues i kompanisë nuk bregesoj fare sepse borxhi publik i kësaj kompanie ndajë komunës së Dragashit ishte shumë më i lartë se sa rrogat e punëtorëve.
Falimentimi i fabrikës Remateks në Dragash punëtorëve të saj ju ka sjellë shumë problem ku njëra ndër to është edhe mos marrja e pagave për disa muaj.
Pas mbylljes së fabrikës Remateks në Dragash pronarët e kësaj kompanie kishin ateruar në vendin e tyre të origjinës e ku për këtë janë larguar nga problemet të cilat kompania në fjalë kishte shkaktuar në Dragash.
Për këtë puntorët e kompanisë nuk kishin se ku të ankohen për mos aprovimin e pagave të muajve të fundit.