Një ngjarje e rëndë ka ndodhur sot, në orët e pasdites në fshatin Petrovë të Prizrenit, ku një person ka vdekur si pasojë e goditjes nga rrufeja.
Viktima R.V., 55-vjeçar ka qenë me traktor duke mbledhur sanë, në momentin që rrufeja e goditi. Fqinjët e tij intervenuan duke ia dhënë ndihmën e parë, edhe pse gjendja e tij ishte shumë e rëndë.
I njëjti u dërgua në spital, por përkundër përpjekjeve të mjekëve, 55-vjeçari ndërroi jetë.
Me urdhër të Prokurorit është iniciuar rasti si “vdekje e dyshimtë”, teksa trupi i pajetë është dërguar në IML për obduksion.
/GazetaSinjali/