Në një reagim të publikuar nga grupi “Kosova Hiking Trips”, krahas mahnitjes së tyre nga bukuritë natyrore që ofron territori i komunës së Dragashit, ata janë “mahnitur” edhe nga një gjë tjetër: nga tmerri që ka mbuluar pamjen e bukur të fshatrave të Dragashit, pra nga bërllogu që kanë hasur në shumë prej pjesëve të kësaj zone raporton Tv Opoja.
Meqenëse jemi të shtrirë në një zonë, ku mundësia më e mirë e zhvillimit socio-ekonomik është shfrytëzimi dhe zhvillimi i turizmit, e në veçanti atij malor, minimumi i përgjegjësisë nga organet komunale do duhej të ishte pastrimi i pjesëve turistike nga mbeturinat që i kanë ngulfatur ato.
Le të mos zhvillohet togfjalëshi “vend i mirë, por i mbushur bërllog”, nga vizitorët që vijnë për të përjetuar mrekullitë e Sharrit tonë të bukur.
