Shkruan: Demir Krasniqi
Çka m’ thotë zemra – m’ del prej gojës ,
Do t’ ia këndoj një këngë Opojës !
Për traditat e këtij venit –
Vendlindjes s’ Ymer Prizrenit !
I këndoj trevës atdhetare –
Krenari n’ trojet shqiptare !
Me njerëz t’ urtë përparimtarë ,
T’ edukuar dhe besimtarë !
Brez pas brezi opojalitë –
Bujarinë e kanë traditë !
Përmbajnë vlera t’ kulturuar ,
Njerëz të urtë dhe t’ edukuar !…
Kanë vlera patriotike –
Të pa shlyera historike !
Si dikur ashtu dhe sot –
Janë shpirtpastër porsi lot !
Opoja ka historinë ,
Traditën dhe trimërinë !
Ka në shpirt besnikërinë ,
Në zemër e ka lirinë !…
Djepi i trimave opojarë –
Nuk ka rritë kurrë një tradhtarë !
Por , ka rritë shumë atdhetarë –
Faqebardhë t’ vërtetë shqiptarë !
Ndër krahinat tona kreshnike –
Opoja është e pastër etnike !
Është ndër trevat lakmitare –
Qind për qind popullsi shqiptare !
Tri shtylla të forta janë ,
Që ka n’ shpirt çdo opojanë –
Kultura, arsimi dhe besimi ,
Urtësia dhe përparimi !…
Opojanët me urtësi –
Janë punëtor me plot qetësi !
Janë strateg e zanatli –
Krenar të jesh opojali !