Komuna e Dragashit së bashku me Biblotekën Kombëtare të Kosovës organizuan ditën e katërt të Edicionit të 17-të të Javës së Biblotekës me programe të shumta.
Dita e parë u mbajtë në Biblotekën Kombëtare të Kosovës, ku dhe u hap Bibloteka Digjitale, e më pas diskutime të ndryshme.
Dita e dytë u mbajtë në Prizren, ku përveç drejtorëve dhe zyrtarëve biblotekarë, pjesë e takimit dhe diskutimet ishin edhe drejtorët për Kulturë Rini dhe Sport.
Dita e tretë u organizua në Mitrovicë, e sesioni i dytë u mbajtë në Suharekë.
Sot, ishte dita finale e këtij aktiviteti madhështor, e cila u organizua në Dragash. Pjesëmarrës ishin rreth 100 persona nga Bibloteka Kombëtare e Kosovës, nga gjithë biblotekat e Kosovës, përfaqësues të lartë të biblotekave, si dhe doktor Martin Montoya. Hapjen e bëri Kryetari i Komunës z. Shaban Shabani, i cili i falënderoi të gjithë të pranishmit e më pas foli për rëndësinë e biblotekës si vatër e dijes dhe e një shteti të suksesshëm. Më pas fjalën e morri Drejtori për Kulturë Rini dhe Sport, z. Lirim Hajredini, i cili i falënderoi të gjithë pjesëmarrësit për kontributin e tyre. Pas fjalëve përshëndetëse u vazhdua me ekspozitën e Abetares ndër vite, duke filluar që nga viti 1906 deri në vitin 2018.
Një moment emocionues ishte dhe ndarja e mirënjohjes menaxherit të Shtëpisë së Kulturës për kontributin e dhënë për shumë vite.
Më pas u vazhdua me prezantime të ndryshme lidhur me biblotekën dhe ndikimin e saj në procesin e arsimkt, nga menaxheri i biblotekës “Ymridin Çengaj”, z. Azi Rifaj, dhe nga zyrtarë të tjerë të Biblotekës Kombëtare të Kosovës.
©TVOPOJA