CIMIC-u italian, i cili operon brenda KFOR-it dhuroi 10 pajisje oksigjeni në Qendrën e Mjekësisë Familjare në Dragash
Behar Brenolli drejtor i shëndetësisë theksoi se nevoja për këto pajisje u rrit pas fillimit të pandemisë. Disa nga këto pajisje do të instalohen në aneksin e ri që është ndërtuar.
“Avantazhi është se këto pajisje janë shumë të lëvizshme, kështu që është shumë më e lehtë të sigurosh ndihmë për pacientët në vende të ndryshme “, tha z. Brenoli.
Ramadan Jashari theksoi se ky është një donacion shumë i rëndësishëm në një periudhë kur numri i pacientëve pandemik po rritet. Ne kemi qenë në shërbim të qytetarëve me stafin që nga fillimi i Covid-19 dhe kemi arritur ta mbajmë situatën nën kontroll dhe komuna jonë kurrë nuk ka qenë në zonën e kuqe deri më tani, deri më tani në komunën tonë ishin zyrtarisht pozitivë për virusin corona 383 qytetarë, nga të cilët, për fat të keq, betejën me Covid-19 e humbën 39 prej tyre.
“Theksoj se ne jemi duke bërë përgatitje intensive për periudhën e imunizimit që është para nesh në mënyrë që të mbrojmë qytetarët” tha Ramadan Jashari, drejtor i Qendrës së Mjekësisë Familjare në Dragash.
Përfaqësuesi i KFOR-it Italian, theksoi se sot ata janë me fat që mund të ndihmojnë qytetarët me aktivitetet e tyre dhe se do të vazhdojnë të ofrojnë ndihmë për popullatën e kësaj komune përmes aktiviteteve të ndryshme.