Kryetari i PDK-së zotëri Kadri Veseli është kthyer në kujtimet e viteve të nëntëdhjetë ku shpesh herë ka përshkuar rrugët malore në bjeshkët e Sharrit transmeton televizioni Opoja.
Ai në ditët e fundit ka bërë një rrugëtim në këmbë neper bjeshkët e Sharrit sikurse në kohërat e vjetra.
Madje ai nepermjet një postimi në llogarinë e tij në Facebook ka bërë një apel tek qytetarët të vizitojë për fundjavë keto bukuri të bjeshkës së Sharrit.
Postimi i plotë:
Ju ftoj të gjithëve që gjatë fundjavës të vizitoni bjeshkët e bukura të Kosovës për të eksploruar florën e faunën e pasur të natyrës sonë. Në këtë mënyrë kontribuojmē edhe në fuqizimin e bizneseve të turizmit si dhe në prodhimin vendor bujqësor e blegtoral.
Këtë pjesë të brezit kufitar me Maqedoninë Veriore, mes Gurit të Zi dhe Vërtopit, e kam kaluar për herë të fundit në 1993 me bashkëveprimtarë duke sjellë pajisje ndërlidhje. Jam i gëzuar që këto shtigje që dikur kaloheshin nga luftëtarët e lirisë të cilët transportonin shokët e plagosur e armatim, sot po shkelen gjithnjë e më shumë nga turistë vendas e të huaj.
